قــالــوا الـدنيـا جـنـة ...للشاعر الفلسطتيني معتز صافي

قالوا وبعلو الصوت
الدنيا والله جنة ...
قلت وباعلى صوت
لو كانت جنة ما كان فيها ظلم
وعلى ابواب الشر زحمة ...
قالوا الذنب مش ذنبها بل
ذنب الناس اللي فيها ,شيعوها بكذبة
وصار الكذب اكبر مهنة ...
وقلت بالله عليكم كيف الكذب
يبني لحضراتكم جنة ...
قالوا والله ونشهد بانك صدقت
بكل حرف وكلمة ...
قلت حياكم الله صدقي
بالكلمة مش صدفة ...
يـــــا نــــــــاس !!!
بعرف انه الجنة من غيركم ما بتنداس
لكن لو كانت الجنة مثل دنياكم
ما كانت حلوة ...
يــــا نـــــــاس !!
لا تقارنوا بين الدنيا والجنة
فالجنة ناسها مش اي ناس
فيها نفوس ثانية لا بتسرق ولا بتنصب
ولا بتحتل بالعضلات دولة ...
الجنة عمرها ما كانت لعبة
مثل الدنيا اللي باعوا فيها قلوبهم
و اخلاقهم واللعب ع المكشوف
صار مهارة وحرفة ......